Qara dənizdə qarğıdalı daşıyan Türkiyə yük gəmisi iki Rusiya pilotsuz uçuş aparatının zərbəsinə məruz qalıb.
Ukrayna Prezidenti Volodimir Zelenskinin sözlərinə görə, hadisə zamanı gəminin heyətində Azərbaycan və Hindistan vətəndaşları da olub.
Hücum nəticəsində gəminin kapitanı həlak olub, bir ekipaj üzvünün taleyi isə məlum deyil. 11 nəfər xilas edilib. Onlardan birinin yaralandığı bildirilir.
Zelenski Qara dənizdə gəmiçiliyin təhlükəsizliyinin təmin olunması üçün tədbirlərin görülməsinə çağırıb.
