Bakının Nərimanov rayonunda bir sıra oğurluq hadisələri baş verib.
Rayonun müxtəlif ərazilərində marketlərdən, həmçinin bir nəfərin velosipedinin və digər şəxsin iki mobil telefonunun oğurlanması barədə polisə məlumat daxil olub.
Nərimanov Rayon Polis İdarəsinin 17-ci Polis Şöbəsinin əməkdaşlarının keçirdikləri tədbirlər nəticəsində əməlləri törətməkdə şübhəli bilinən V.Cəfərov, T.Cəfərov, S.Mahmudov və əvvəllər məhkum olunmuş D.Qasımov müəyyən edilərək saxlanılıblar.
Araşdırmalar zamanı zərərçəkənlərə 5 000 manatdan çox ziyan dəydiyi müəyyənləşdirilib.
Faktlarla bağlı cinayət işi başlanılıb, araşdırmalar davam etdirilir.
