Maliyyə Nazirliyinin Kollegiyası “İşçilərin Ezamiyyə Qaydaları”nda dəyişiklik edib.
Bununla bağlı maliyyə naziri Sahil Babayev yeni qərar imzalayıb.
Dəyişikliyə əsasən, bundan sonra yalnız dövlət orqanının, müəssisə, idarə və təşkilatın rəhbərinin deyil, fiziki şəxs olan işəgötürənin də əmri, sərəncamı və ya qərarı ilə işçinin ezamiyyətə göndərilməsi mümkün olacaq.
Beləliklə, işçinin müəyyən olunmuş müddətə iş yerindən başqa yerə işəgötürənin qanunauyğun tapşırığını yerinə yetirmək üçün getməsi ezamiyyət hesab ediləcək.
