Azərbaycan Prezidenti İlham Əliyev Böyük Britaniyanın müdafiə üzrə dövlət naziri Lord Vernon Kioakeri qəbul edib.
Görüşdə Azərbaycan-Böyük Britaniya münasibətləri və müdafiə sənayesi sahəsində əməkdaşlığın inkişafı məsələləri müzakirə olunub.
İlham Əliyev bildirib ki, Azərbaycan 20 ildən artıqdır müdafiə sənayesinə sərmayə yatırır. Hazırda ölkədə həm daxili istifadə, həm də ixrac üçün müdafiə təyinatlı məhsullar istehsal olunur.
Prezident müasir silah və avadanlıqların Azərbaycana gətirilməsi, eləcə də ölkədə birgə müəssisələrin yaradılması istiqamətində əməkdaşlıq imkanlarının olduğunu vurğulayıb.
Lord Vernon Kioaker Azərbaycanın Böyük Britaniya üçün çox vacib dost ölkə olduğunu bildirib və əməkdaşlığın davam etdirilməsində maraqlı olduqlarını qeyd edib.
