Cəlilabad rayonunda 10 nəfər zəhərlənmə şübhəsi ilə xəstəxanaya yerləşdirilib.
Sentyabrın 29-da saat 23:00-da beş kişi və beş qadın Cəlilabad Rayon Mərkəzi Xəstəxanasının Təcili tibbi yardım şöbəsinə hospitalizasiya olunub. Onların arasında uşaqların da olduğu bildirilir.
İlkin məlumata görə, həmin şəxslər Biləsuvar rayonunda əsgər yolasalma mərasimində keçirilən qonaqlıqda iştirak etdikdən sonra özlərini narahat hiss ediblər. Zəhərlənmənin qonaqlıqda yeyilən paytaxt salatından baş verdiyi ehtimal olunur.
Xəstəxanada zəruri tibbi xidmətlər göstərildikdən sonra pasiyentlər ambulator müalicə üçün evə buraxılıblar.
