Lənkəran Şəhər Rayon Polis Şöbəsinin əməkdaşları narkotik vasitələrin qanunsuz dövriyyəsinə qarşı ardıcıl əməliyyat tədbirləri keçiriblər.
Tədbirlər zamanı əvvəllər məhkum olunmuş M.İsmayılov saxlanılıb. Ondan 14 kiloqramdan artıq narkotik vasitə və 20 ədəd psixotrop tərkibli həb aşkarlanaraq götürülüb.
Şöbə əməkdaşlarının keçirdikləri digər tədbir nəticəsində narkotik vasitələrin qanunsuz dövriyyəsində şübhəli bilinən V.Bayramlı da saxlanılıb. Onun üzərindən 3 kiloqramdan artıq narkotik vasitə aşkarlanıb.
Faktlarla bağlı cinayət işləri başlanılıb. Məhkəmənin qərarı ilə saxlanılan şəxslər barəsində həbs qətimkan tədbiri seçilib.
Araşdırmalar davam etdirilir.
