Qazaxıstanın Manqistau vilayətində Xəzər dənizində keçirilən hərbi təlim zamanı 19 hərbçini dəniz aparıb.
Qazaxıstan Müdafiə Nazirliyinin məlumatına görə, hadisə sentyabrın 24-də təlim zamanı hava şəraitinin kəskin pisləşməsi və küləyin güclənməsi nəticəsində baş verib. İlkin məlumata əsasən, dənizə aparılan 19 hərbçidən 9-u həlak olub.
Üç hərbçi xilas edilib. Onlardan biri xəstəxanaya yerləşdirilib. Digər hərbçilərin axtarışları davam etdirilir.
Axtarış-xilasetmə əməliyyatına Hərbi Dəniz Qüvvələrinin bölmələri, Fövqəladə Hallar Nazirliyinin əməkdaşları, aviasiya və digər aidiyyəti xidmətlər cəlb olunub.
