2027-ci il yanvarın 1-dən neft-qaz sektoruna aid olmayan və qeyri-dövlət sektorunda çalışan şəxslərin muzdlu işdən əldə etdikləri gəlirlər üzrə gəlir vergisinin dərəcələri dəyişəcək.
Yeni qaydalara əsasən, vergi tutulan aylıq gəlir:
2 500 manatadək olduqda 5 faiz;
2 500 manatdan 8 000 manatadək olduqda 125 manat + 2 500 manatdan yuxarı olan hissənin 10 faizi;
8 000 manatdan çox olduqda 675 manat + 8 000 manatdan yuxarı olan hissənin 14 faizi məbləğində vergiyə cəlb ediləcək.
Gəlir vergisi əməkhaqqının məbləğindən asılı olaraq mərhələli şəkildə hesablanacaq. Eyni zamanda, aylıq gəliri 2 500 manatadək olan şəxslər üçün əməkhaqqının 200 manatlıq hissəsinə tətbiq edilən gəlir vergisi güzəşti qüvvədə qalacaq.
Qeyd edək ki, 2026-cı ildən 2027-ci il yanvarın 1-dək 2 500 manatadək aylıq gəlirlər üçün gəlir vergisi dərəcəsi 3 faiz təşkil edir. 2028-ci ildən isə 2 500 manatadək gəlirlər üzrə dərəcənin 7 faizə yüksəldilməsi nəzərdə tutulur.
