Şamaxının Meysəri kəndində “Meysari Grand Hotel & SPA” kompleksi fəaliyyətə başlayıb.
Azərbaycan Prezidenti İlham Əliyev və birinci xanım Mehriban Əliyeva sentyabrın 17-də kompleksin açılışında iştirak ediblər.
Dəniz səviyyəsindən 1050 metr yüksəklikdə yerləşən kompleksdə ümumilikdə 204 hotel otağı və 3 villa yaradılıb. Burada restoranlar, SPA və sağlamlıq mərkəzi, 3 hovuz, tennis və padel kortları, futbol meydançası, uşaq əyləncə mərkəzi və helikopter meydançası fəaliyyət göstərəcək.
Kompleksin ərazisində 420 nəfərlik “Nəsimi Konfrans Mərkəzi” də fəaliyyət göstərəcək.
Yeni turizm kompleksində ümumilikdə 320 yeni iş yeri yaradılıb.
