1 saylı cəzaçəkmə müəssisəsində məhkuma poçt vasitəsilə göndərilən bağlamaya baxış keçirilərkən narkotik vasitələr aşkarlanıb.
Bağlamada olan tərliklərin daban hissəsində xüsusi üsulla gizlədilmiş bükülülərdən 0,543 qram qurudulmuş marixuana, 0,716 qram heroin və 0,567 qram metamfetamin aşkar edilib.
Bundan başqa, Bakı İstintaq Təcridxanasında həbs edilmiş şəxs üçün həyat yoldaşı tərəfindən gətirilən sovqata baxış zamanı geyimdə xüsusi üsulla tikilərək gizlədilmiş 4 bükülüdə ümumilikdə 0,888 qram heroin aşkarlanıb.
Hər iki faktla bağlı müvafiq tədbirlər görülür.
