Azərbaycanda akkreditə olunmuş diplomatik korpusun nümayəndələrinin Qarabağ və Şərqi Zəngəzura iki günlük səfəri başlayıb.
Sentyabrın 11-də başlayan səfər Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyevin müşayiəti ilə keçirilir.
Səfərdə 58 ölkə və 9 beynəlxalq təşkilatı təmsil edən 150 nəfər iştirak edir.
Nümayəndələr Xankəndi və Şuşa şəhərlərində, Ağdərə və Kəlbəcər rayonlarında həyata keçirilən bərpa-quruculuq işləri, sosial və iqtisadi infrastruktur layihələri ilə tanış olacaqlar.
Həmçinin tarixi-mədəni irs nümunələrinin vəziyyəti, onların qorunması və bərpası istiqamətində görülən işlər barədə məlumat əldə edəcəklər.
Bu, diplomatik korpus nümayəndələrinin 2020-ci ildən etibarən işğaldan azad edilmiş ərazilərə 22–ci səfəridir.
