İspaniyalı pilot Pablo Amoros yarış zamanı baş verən qəza nəticəsində həlak olub.
Hadisə Uelva şəhərində yerləşən “Monteblanko” trasında keçirilən “GTI Trophy” seriyasının yarışı zamanı baş verib. Pablo Amoros trasda mübarizə apararkən idarəetməni itirib və ağır qəza törədib. O, aldığı xəsarətlərdən hadisə yerində dünyasını dəyişib.
Pablo Amoros İspaniyada həm dairəvi yarışların, həm də müxtəlif ralli və yolsuzluq yürüşlərinin iştirakçısı olub. O, daha əvvəl “Jarama” dövrə mübarizəsində (CRT), həmçinin “Hyundai Cup”, “Mini Challenge” və “Copa Kobe Motor” kimi yerli yarış seriyalarında iştirak edib.
