ABŞ-nin İranın Sirik şəhərində toy mərasiminə endirdiyi zərbə nəticəsində ölənlərin sayı 5 nəfərə çatıb.
Bu barədə Hürmüzqan Tibb Elmləri Universiteti məlumat yayıb.
Məlumata görə, 22 yaşlı Asiyə Mollayinejad aldığı xəsarətlərin ağırlığından ölüb. Bununla da hadisə nəticəsində ölənlərin sayı 5-ə yüksəlib.
Bildirilib ki, hadisə nəticəsində 70 nəfər yaralanıb. Onlardan bir çoxu artıq evə buraxılıb, lakin yaralılar arasında vəziyyəti ağır olan şəxslər də var.
Bu səbəbdən ölənlərin sayının artacağı istisna edilmir.
Xatırladaq ki, İranın səhiyyə naziri Məhəmmədrza Zəfərqəndi ABŞ-nin Hörmüz boğazındakı mövqelərə endirdiyi zərbələr nəticəsində 18 nəfərin öldüyünü, 100-dən çox insanın yaralandığını bildirib.
