Sabunçu rayonunun Maştağa qəsəbəsində magistral yeraltı neft kəmərində baş verən yanğınla bağlı iki nəfər saxlanılıb.
Sentyabrın 2-də gecə saatlarında Savalan yaşayış massivinin yaxınlığından keçən neft kəmərində yanğın baş verib. Yanğın söndürüldükdən sonra əraziyə baxış zamanı kəmərə qanunsuz müdaxilə məqsədilə əlavə avadanlıqların quraşdırıldığı müəyyən edilib.
Polis əməkdaşlarının keçirdiyi tədbirlərlə oğurluğa cəhd etməkdə şübhəli bilinən 31 yaşlı Kənan Əliyev və əvvəllər məhkum olunmuş 29 yaşlı Araz Yaqubov saxlanılıb.
Araşdırma zamanı yanğının da onların neft kəmərinə qanunsuz müdaxiləsi nəticəsində baş verdiyi müəyyən edilib.
Faktla bağlı araşdırma aparılır.
