Rusiya Prezidenti Vladimir Putin bildirib ki, Ermənistan zəruri hesab edərsə, Rusiya hərbi bazasının ölkədə fəaliyyətini davam etdirməyə hazırdır.
Putin bunu Şanxay Əməkdaşlıq Təşkilatının sammiti və xarici liderlərlə görüşlərdən sonra Bişkekdə keçirilən mətbuat konfransında deyib.
Rusiya liderinin sözlərinə görə, Ermənistan hakimiyyəti ölkədəki Rusiya hərbi bazasına ehtiyac olmadığını düşünürsə, Moskva bazanı hətta sabah da çıxarmağa hazırdır.
Qeyd edək ki, Rusiyanın 102-ci hərbi bazası Ermənistanın Gümrü şəhərində yerləşir. Rusiya və Ermənistan arasında 2010-cu ildə imzalanmış sazişə əsasən, bazanın fəaliyyət müddəti 2044-cü ilədək uzadılıb.
