Şuşada Slovakiya Prezidenti Peter Pelleqrininin rəsmi qarşılanma mərasimi keçirilib.
Prezident İlham Əliyev qonağı qarşılayıb. Fəxri qarovul dəstəsinin rəisinin raportundan sonra hər iki ölkənin dövlət himnləri səsləndirilib.
Daha sonra fəxri qarovul dəstəsi dövlət başçılarının qarşısından keçib, nümayəndə heyətlərinin üzvləri bir-birinə təqdim olunub və sonda rəsmi foto çəkdirilib.
