İspaniyanın Vilyena şəhərində Tunc dövrünə aid məşhur “Vilyena xəzinələri” kolleksiyasının böyük hissəsi muzeydən oğurlanıb.
Naməlum şəxslər Vilyena Arxeologiya Muzeyinə daxil olaraq kolleksiyadan 50-dən çox əşyanı aparıblar. Oğurlanan eksponatlar arasında 29 qolbaq, 11 kasa, üç butulka və digər əşyalar var. Kolleksiyanın böyük hissəsi qızıldan hazırlanıb.
Muzeydə siqnalizasiya səhər saat 5:20 radələrində işə düşüb. Oğrular saat 5:24-də binanı tərk ediblər.
Şəhər şurasının nümayəndəsi hadisəni “çox sürətli və çox peşəkar əməliyyat” kimi qiymətləndirib.
Vilyena şəhərinin meri Fulgensio Serdan bildirib ki, oğurlanan əşyalardakı qızılın dəyəri təxminən 1,7 milyon avro təşkil edir. Xəzinənin tarixi dəyərinin isə pulla ölçülə bilməyəcəyi qeyd olunur.
