UEFA Konfrans Liqasının pley-off mərhələsində “Qarabağ” bu gün Bakıda Niderlandın “Tvente” komandası ilə cavab matçına çıxacaq.
Qarşılaşma Tofiq Bəhramov adına Respublika stadionunda keçiriləcək. Görüş saat 20:00-da başlayacaq.
Matçı norveçli FIFA referisi Rohit Saqqi idarə edəcək.
Qeyd edək ki, komandalar arasında Niderlandda keçirilən ilk oyun “Qarabağ”ın 1:0 hesablı qələbəsi ilə başa çatıb.
