İsmayıllı rayonunda toy məclisi zamanı 24 nəfərin zəhərlənməsi ilə bağlı araşdırma aparılır.
Azərbaycan Qida Təhlükəsizliyi Agentliyinin (AQTA) məlumatına görə, hadisə rayonun Hacıhətəmli kəndində həyətyanı sahədə təşkil olunan toy məclisində baş verib.
Zəhərlənmə diaqnozu ilə 24 nəfər Göyçay Rayon Mərkəzi Xəstəxanasına müraciət edib. Vəziyyətləri yaxşı olan zərərçəkənlərə ilkin tibbi yardım göstərildikdən sonra evə buraxılıblar.
AQTA-nın mütəxəssisləri digər aidiyyəti qurumların əməkdaşları ilə birlikdə hadisə ilə bağlı araşdırmaya başlayıblar. Nümunələr götürülərək müayinələr aparılır.
Araşdırmaların nəticələrinə uyğun olaraq müvafiq tədbirlər görüləcək.
