İran Prezidenti Məsud Pezeşkian ABŞ ilə danışıqların təslim olmaq anlamına gəlmədiyini bildirib.
Pezeşkianın sözlərinə görə, İran ölkənin gücünün zirvəsində olduğu bir vaxtda milli maraqları, şərəf və müdrikliyi nəzərə alaraq danışıqlar yolunda addım-addım irəliləməyi hədəfləyir.
İran Prezidenti ABŞ ilə həm müharibənin, həm də danışıqların mümkün olduğunu vurğulayıb. O, İranın ərazi bütövlüyünü müdafiə etdiyini, lakin müharibəni məqsəd kimi görmədiyini deyib.
Pezeşkianın sözlərinə görə, Tehranın əsas məqsədi müharibəyə son qoymaq, blokadanı aradan qaldırmaq, dondurulmuş resursları azad etmək və daha sonra nüvə məsələsi üzrə danışıqlar aparmaqdır.
İran Prezidenti digər ölkələrin iqtisadi rəqabət yolu ilə özlərini inkişaf etdirdiyini qeyd edərək, ölkənin müdafiəsinin və xalqa xidmətin vacibliyini vurğulayıb.
