Heydər Əliyev Beynəlxalq Hava Limanında gömrük qaydaları pozulmaqla ölkəyə gətirilən dərman vasitələri aşkarlanıb.
Hava Nəqliyyatında Baş Gömrük İdarəsinin əməkdaşlarının keçirdiyi əməliyyat və nəzarət tədbirləri nəticəsində xarici ölkələrin hava limanlarında sərnişinlərə paylanaraq Azərbaycana gətirilən bağlamaları qəbul edən şəxs saxlanılıb.
Onun əlindəki paketlərə və idarə etdiyi avtomobilə gömrük baxışı keçirilib. Baxış zamanı 10 adda 93 qutu dərman vasitəsi aşkar edilərək götürülüb.
Faktla bağlı araşdırma aparılır.
