ABŞ Silahlı Qüvvələri İrandakı hərbi hədəflərə qarşı həyata keçirdiyi yeni zərbə dalğasını başa çatdırıb.
ABŞ Silahlı Qüvvələrinin Mərkəzi Komandanlığı (CENTCOM) bildirib ki, əməliyyat zamanı Hörmüz boğazında beynəlxalq gəmiçiliyə təhdid yaradan obyektlər də daxil olmaqla onlarla hədəf yüksəkdəqiqlikli sursatlarla vurulub.
Məlumata görə, hücumlar zamanı İranın hava hücumundan müdafiə sistemləri, sahil radarları və SEPAH-a məxsus katerlər hədəfə alınıb. Əməliyyatda qırıcı təyyarələr, hərbi gəmilər, pilotsuz uçuş aparatları və ilk dəfə zərbə tipli dəniz dronlarından istifadə edilib.
