Ukrayna Avropa İttifaqının (Aİ) İrana qarşı tətbiq etdiyi sanksiyalara qoşulub.
Bu barədə Aİ-nin xarici işlər və təhlükəsizlik siyasəti üzrə ali nümayəndəsi Kaya Kallasın bəyanatında bildirilib. Bəyanat Avropa Xarici Fəaliyyət Xidmətinin saytında dərc olunub.
Ukrayna ilə yanaşı, Albaniya, Bosniya və Herseqovina, İslandiya, Lixtenşteyn, Moldova, Monteneqro, Şimali Makedoniya və Norveç də Aİ-nin müvafiq qərarına qoşulublar.
Bu ölkələr milli siyasətlərini Aİ-nin İrana qarşı qəbul etdiyi məhdudlaşdırıcı tədbirlərə uyğunlaşdırmağı öhdələrinə götürüblər. Sanksiyalar, xüsusilə İranın Rusiyanın Ukraynaya qarşı müharibəsinə hərbi dəstəyi, həmçinin Yaxın Şərq və Qırmızı dəniz regionundakı silahlı qruplara dəstəyi ilə əlaqələndirilir.
Aİ Şurası İrana qarşı məhdudlaşdırıcı tədbirlərin genişləndirilməsi və yenilənməsi barədə qərarı 24 iyul 2026-cı ildə qəbul edib.
