Ukraynanın Pilotsuz Sistemlər Qüvvələri avqustun 1-dən 13-dək Rusiya qoşunlarının 240 enerji qovşağına zərbələr endirib.
Ukrayna ordusunun Pilotsuz Sistemlər Qüvvələrinin komandanı Robert Brovdinin sözlərinə görə, zərbələr Rusiyanın hava hücumundan müdafiə sistemlərinin fəaliyyətini təmin edən enerji obyektlərinə, o cümlədən stasionar radiolokasiya stansiyalarına və HHM-nin digər elementlərinə endirilib.
Brovdi bildirib ki, avqustun 13-nə keçən gecə daha 29 enerji qovşağı hədəfə alınıb.
Zərbələr “Krım rubilniki off” əməliyyatı çərçivəsində həyata keçirilir. Əməliyyat iyulun 1-dən etibarən əsasən Krımda kritik enerji obyektləri və yarımstansiyaların vurulmasına yönəlib.
