Ukrayna Müdafiə Qüvvələri Rusiyanın Novorossiysk şəhərindəki hərbi-dəniz bazasına zərbələr endirib.
Ukrayna Prezidenti Volodimir Zelenskinin sözlərinə görə, hücum zamanı “Palyanitsya” reaktiv PUA-larından, “Neptun” raketlərindən və ekipajsız dəniz sistemlərindən istifadə olunub.
Onun bildirdiyinə görə, hava hücumundan müdafiə mövqeləri, yanalma körpüləri və liman infrastrukturu vurulub.
Novorossiysk Rusiyanın Qara dəniz donanmasının əsas bazalarından birinə çevrilib və Ukrayna daha əvvəl də bu limana PUA və raketlərlə zərbələr endirib.
