Azərbaycan Respublikasının Prezidenti İlham Əliyev avqustun 11-də Naxçıvan şəhərində 518 mənzildən ibarət sosial evlər kompleksinin təməlini qoyub.
Kompleksin tikintisi üçün 5 hektara yaxın ərazi ayrılıb. Burada 6 və 7 mərtəbəli 16 bina inşa ediləcək.
Yaşayış kompleksində 93 birotaqlı, 37 ikiotaqlı, 351 üçotaqlı və 37 dördotaqlı mənzil olacaq.
Kompleksdə uşaq bağçası və digər iaşə obyektlərinin, həmçinin zəruri yol, su, qaz, elektrik və kanalizasiya infrastrukturunun yaradılması nəzərdə tutulur.
Ərazidə abadlıq və yaşıllaşdırma işləri də aparılacaq.
