Sumqayıt şəhərində avtomobil təmiri sexində yanğın baş verib.
Hadisə gecə saatlarında şəhərin Koroğlu prospektində qeydə alınıb.
1980-ci il təvəllüdlü Emin Nadir oğlu Həşimovun icarəçisi olduğu avtomobil təmiri sexi tamamilə yanıb. Sexə bitişik avtomobil ehtiyat hissələri mağazasının isə bir hissəsi alovun təsirinə məruz qalıb.
Əraziyə Fövqəladə Hallar Nazirliyinin Dövlət Yanğından Mühafizə Xidmətinin canlı qüvvəsi və texnikası cəlb olunub. Yanğının digər obyektlərə keçməsinin qarşısı alınıb.
Hadisənin başvermə səbəbləri araşdırılır.
