Ukrayna Müdafiə Qüvvələri avqustun 2-nə keçən gecə Rusiyanın Saratov vilayətində yerləşən neft emalı zavoduna və “Engels” hərbi aerodromuna zərbələr endirib.
Məlumata görə, hər iki obyektdə zərbələrdən sonra yanğın baş verib.
Bildirilib ki, Saratov Neft Emalı Zavodu Volqaboyu regionunun ən iri müəssisələrindən biridir və Rusiyanın hərbi-sənaye kompleksi ilə Silahlı Qüvvələrinin tələbatının təmin olunmasında istifadə edilir.
Ukrayna Təhlükəsizlik Xidməti (SBU) isə “Engels” aerodromunun Rusiyanın strateji aviasiyasının əsas bazalarından biri olduğunu, burada Ukraynaya raket zərbələri endirmək üçün istifadə olunan Tu-95MS və Tu-160 bombardmançılarının yerləşdirildiyini iddia edib.
Məlumata əsasən, Rusiyanın Kaluqa vilayətindəki “Lyudinovskaya” neft bazası, eləcə də Bryansk vilayətinin Navlya rayonu yaxınlığında zərbə PUA-larının saxlanılması, hazırlanması və buraxılması məntəqələri də hücuma məruz qalıb.
