Türkiyənin cənub və qərb bölgələrində davam edən son üç meşə yanğını tam nəzarət altına alınıb.
Türkiyənin kənd təsərrüfatı naziri İbrahim Yumaklının sözlərinə görə, Aydın vilayətinin Çinə, Balıkəsirin Susurluk və İzmirin Buja rayonlarında baş verən yanğınlar aviasiya və yerüstü qüvvələrin birgə fəaliyyəti nəticəsində söndürülüb.
Nazir bildirib ki, iyulun 29-dan etibarən ölkə ərazisində ümumilikdə 314 təbii yanğın qeydə alınıb.
Türkiyə Prezident Administrasiyasının Kommunikasiya İdarəsinin məlumatına görə, yanğınlarla mübarizəyə 28 təyyarə, 119 helikopter, 14 pilotsuz uçuş aparatı və 5 mindən çox yerüstü texnika cəlb olunub.
