İranın ABŞ hərbçilərinin Yaxın Şərqdəki yerləşdiyi mövqeləri izləmək üçün hədəf reklamlar məqsədilə toplanan geolokasiya məlumatlarından istifadə edə biləcəyi iddia olunur.
Məlumata görə, mobil tətbiqlər və internet saytları fərdiləşdirilmiş reklamların göstərilməsi üçün istifadəçilərin dəqiq GPS koordinatlarını toplayır. Bu məlumatlar daha sonra məlumat brokerləri vasitəsilə müxtəlif alıcılara satıla bilər.
Bundan əvvəl yayılan məlumatlarda isə ABŞ hərbçilərinə Yaxın Şərqdə mobil telefonlarını təhvil vermələrinin tapşırıla biləcəyi bildirilmişdi. İddialara görə, buna səbəb sosial şəbəkələrdə yayımlanan görüntülərin İranın ABŞ hədəflərinə daha dəqiq zərbələr endirməsinə kömək edə biləcəyi ilə bağlı narahatlıqlardır.
