Rusiya Xarici Kəşfiyyat Xidməti Ermənistanın Avropa İttifaqı ilə münasibətlərinə dair bir sıra açıqlamalar yayıb.
Açıqlamaya görə, Avropa İttifaqı Ermənistandan ölkədəki Rusiya biznesinin fəaliyyətini azaltmağı və Moskva ilə humanitar əlaqələri zəiflətməyi tələb edir.
Kəşfiyyat Xidməti bildirib ki, Brüssel viza rejiminin ləğvi ehtimalından istifadə edərək Ermənistanı Rusiya əlehinə addımlar atmağa təşviq edir.
Məlumata əsasən, Avropa İttifaqı Ermənistanın Avrasiya İqtisadi İttifaqından (Aİİ) kənarda qalacağı təqdirdə ölkədə iqtisadi böhran yaranacağını anlayır və bunun nəticələrini kompensasiya edə bilməyəcək.
Həmçinin, Rusiya kəşfiyyatı bəzi Avropa ölkələrinin Ermənistana öz bazarlarını açmağa hazır olmadıqlarını iddia edir.
