Prezident İlham Əliyev 15 yaşadək oğlanlar arasında futbol üzrə ilk dünya çempionatı və festivalının Azərbaycanda keçirilməsi ilə əlaqədar sərəncam imzalayıb.
Sərəncama əsasən, yarışın yüksək səviyyədə təşkilinin əlaqələndirilməsi və zəruri məsələlərin həlli 2027-ci ildə Azərbaycanda keçiriləcək U-20 futbol üzrə dünya çempionatı ilə bağlı yaradılmış Təşkilat Komitəsinə həvalə olunub.
Nazirlər Kabinetinə sərəncamdan irəli gələn məsələlərin həlli tapşırılıb.
FIFA Şurası Bürosunun 2026-cı il 25 iyun tarixli qərarına əsasən, idman tarixində ilk dəfə təşkil olunacaq U-15 dünya çempionatı və festivalı bu il oktyabrın 22–31-də Azərbaycanda keçiriləcək.
Qeyd olunub ki, turnirə ev sahibliyi Azərbaycanın beynəlxalq idman nüfuzunun möhkəmlənməsinə, futbolun inkişafına və ölkənin mötəbər yarışların təşkili sahəsində təcrübəsinin daha da zənginləşməsinə töhfə verəcək.
