Bakıda və Abşeron yarımadasında tozlu hava şəraiti müşahidə olunur.
Milli Hidrometeorologiya Xidmətinin rəsmisi Gülnarə Abbasovanın sözlərinə görə, hazırda havadakı tozun miqdarı normadan 1,4-1,7 dəfə çoxdur.
Bildirilib ki, tozlu hava güclü şimal-qərb küləyinin yerin quru səthində formalaşan toz kütlələrini ətraf ərazilərə yayması nəticəsində yaranıb və lokal xarakter daşıyır.
Məlumata əsasən, tozlu hava şəraitinin sabah günorta saatlarına qədər davam edəcəyi gözlənilir.
