Hollivud ulduzları Bred Pitt və Ancelina Colinin qızı Vivyen atasının soyadından imtina etmək üçün məhkəməyə müraciət edib.
“People” jurnalının yaydığı məlumata görə, 18 yaşlı Vivyen rəsmi adının “Vivyen Marşelin Coli-Pitt”dən “Vivyen Marşelin Coli”yə dəyişdirilməsi üçün Los-Anceles Dairəsinin Ali Məhkəməsinə vəsatət təqdim edib.
Məhkəmə sənədlərində ad dəyişikliyinin şəxsi motivlərlə əlaqədar olduğu qeyd edilir. İş üzrə məhkəmə iclası noyabrın 2-nə təyin olunub.
Qeyd edək ki, bundan əvvəl cütlüyün övladları Meddoks, Zaxara və Şaylo da Bred Pittin soyadından imtina etmişdilər.
