Rusiya ordusunun Ukraynanın Xerson və Zaporojye vilayətlərinə endirdiyi zərbələr nəticəsində azı 5 nəfər həlak olub, 63 nəfər yaralanıb.
Xerson Vilayət Hərbi Administrasiyasının rəhbəri Aleksandr Prokudinin sözlərinə görə, son sutka ərzində Xerson şəhəri də daxil olmaqla 37 yaşayış məntəqəsi atəşə tutulub. Hücumlar nəticəsində 2 nəfər ölüb, 16 nəfər yaralanıb.
Zaporojye Vilayət Hərbi Administrasiyasının rəhbəri İvan Fyodorov isə bildirib ki, Rusiyanın idarəolunan aviabombalarla Zaporojye şəhəri və rayonu istiqamətində həyata keçirdiyi zərbələr nəticəsində 3 nəfər həlak olub, yaralıların sayı 47-yə çatıb.
