Ermənistan silahlı qüvvələrinin Gəncədə törətdiyi ilk raket hücumundan 6 il ötür.
2020-ci il oktyabrın 4-də səhər saat 10 radələrində Ermənistan silahlı qüvvələrinin atdığı raketlər Azərbaycanın ikinci ən böyük şəhərində mülki yaşayış məntəqəsinə, o cümlədən sakinlərin yaşadığı ikimərtəbəli binaya və fərdi yaşayış evlərinə düşüb.
Hücum nəticəsində 1 mülki şəxs – Əliyev Tunar Qoşqar oğlu həlak olub, 32 mülki şəxs isə yaralanıb.
Raket hücumları nəticəsində yaşayış evləri ilə yanaşı, mülki infrastruktura və qədim tarixi tikililərə də ziyan dəyib.
